सुनचाँदीको भाउ मंगलबार स्थिर

काठमाडौं, ८ फागुन । लगातार बढेको सुनको भाउ मंगलबार स्थिर रहेको छ । चाँदीको भाउ पनि आज सोमबारकै भाउमा कारोबार भइरहेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १८ हजार रुपैयाँ कायम रहेको छ । त्यस्तै तेजाबी सुन प्रतितोला एक लाख १७ हजार ४५० रुपैयाँमा कारोबार भइरहको छ ।

सोमबार भने सुनको भाउ वृद्धि भएको थियो । हिजो सुन तोलामा ४०० रुपैयाँले महंगिएको थियो ।

यसैगरी, मंगलबार चाँदीको मूल्य पनि स्थिर रहेको छ । आज चाँदी प्रतितोला एक हजार ४१० रुपैयाँ कायम रहेको छ ।