पेट्रोल, डिजेल र मट्टितेलको बढ्यो मूल्य

काठमाडौं,४ फागुन । डिजेल, पेट्रोल र मट्टितेलको मूल्य बढेको छ । नेपाल आयल निगमले डिजेल, पेट्रोल र मट्टितेलको मूल्य लिटरमा २ रुपैयाँले बढाएको हो ।

बिहीबार रातिबाट लागु हुने गरी निगमले मूल्य बढाएको हो । मूल्य बृद्धि पछि काठमाडौँ उपत्यकामा पेट्रोलको मूल्य प्रतिलिटर १७२ रुपैयाँ र डिजेल तथा मट्टितेलको मूल्य १६० रुपैयाँ कायम भएको छ ।

त्यसैगरि सुर्खेत र दाङ क्षेत्रमा पेट्रोलको १७१ र डिजेल, मट्टितेलको १५९ रुपैयाँ तथा झापा, विराटनगर, अमलेखगञ्ज, भलबारी, नेपालगञ्ज, धनगढी र वीरगंज क्षेत्रमा पेट्रोलको १६९ पैयाँ ५० पैसा र १५७ रुपैयाँ ५० पैसा डिजेल तथा मट्टितेलको मूल्य कायम भएको छ ।