सुनको मूल्यमा वृद्धि हुँदा चाँदीको मूल्य स्थिर

काठमाडौं, १४ माघ । सुन हप्ताको तेस्रो दिनसम्म लगातार घटेकोमा बुधबार  सुनको मूल्यमा वृद्धि हुँदा चाँदीको मूल्य भने स्थिर देखिएको छ । आजको बजारमा सुन प्रतितोला ६०० रुपैयाँले बढेको हो ।

नेपाल सुनचाँदी व्यवसायी महासँघको अनुसार आज छापावाला सुन प्रतितोला एक लाख १८ हजार ६०० रुपैयाँ र तेजावी सुन प्रतितोला एक लाख १८ हजार ५० रुपैयाँमा खरिदबिक्री भइरहेको छ ।

निरन्तर रुपमा घटेको चाँदीको मूल्य आज स्थिर भएको छ । आज चाँदीको मूल्य प्रतितोला एक हजार ३७५ रुपैयाँमा खरिदबिक्री भइरहेको छ ।