एशिया कप क्रिकेटको उद्घाटन खेलमा पाकिस्तानसँग भिड्दै नेपाल

काठमाडौं, १३ भदौ । बुधबार एशिया कप क्रिकेटको उद्घाटन खेल हुँदैछ। यस दिन उद्घाटन खेल नेपाल र पाकिस्तानबिच भिड्दै छ। मुल्तान क्रिकेट मैदानमा हुने खेल नेपाली समय अनुसार दिउँसो सवा ३ बजे सुरु हुनेछ।

यस दिन नेपालले पाकिस्तानसँग खेल्दै एशिया कपमा डेब्यु गर्दैछ। नेपाल पहिलो पटक पाकिस्तानसँग खेल्न लागेको हो। गत अप्रिल–मेमा सम्पन्न एसीसी मेन्स प्रिमियर कप उपाधि उचालेर नेपाल एशिया कपमा छनोट भएको हो। युएई र हङकङ सम्मिलित सो प्रतियोगितामा नेपाल च्याम्पियन भएर एशिया कप खेल्ने मौका पाएको हो। यसअघिको एशिया कपमा युएई र हङकङले खेलेका थिए।

पाकिस्तान विश्व नम्बर एक ब्याट्सम्यान बाबर आजमको नेतृत्वमा मैदान उत्रनेछ भने नेपाली क्रिकेट टिमलाई रोहित पौडेलले नेतृत्व गर्नेछन्