थुनामा परेका गोरखाका कांग्रेस नेता गुरुङ पार्टीबाट पनि निष्कासनमा

काठमाडौं । सरकारी कागजात किर्ते गरेको आरोपमा थुनामा परेका गोरखा–२ का प्रदेश ९क० का कांग्रेस सभापति गुरुङ पार्टीबाट पनि निष्कासनमा परेका छन् ।
नेपाली कांग्रेसको गोरखा जिल्ला कार्यसमितिका सचिव कृष्णबहादुर आलेले बुधबार एक प्रेस विज्ञप्ती प्रकाशित गरी उनलाई पार्टीको सदस्य पदबाट निष्कासन गरेको जनाएका छन् । गोरखाको क्षेत्र नम्बर २ को ९क० प्रदेशका सभापति नारायण भनिने दीर्घमान गुरुङ सरकारी कागजात किर्ते गरेको अभियागमा काठमाडौंको डिल्लीबजार कारागार चलान भएका छन् ।
आलेद्धारा प्रकाशित विज्ञप्तीमा नेपाली कांग्रेसको विधान, २०१७ ९संशोधनसहित० को परिच्छेद–२ को दफा ९४० को उपदफा १३ को ९ङ० अनुसार उनलाई पार्टीको सदस्य पदबाट निष्कासन गरिएको जनाइएको छ । गुरुङलाई काठमाडौंको सोह्रखुट्टे प्रहरीले पक्राउ गरेको थियो । साविकको आँपपिपल गाउँ विकास समिति वडा नम्बर २ ९हाल पालुङटार नगरपालिका ३ ० निवासी गुरुङलाई अदालतमा पेश गराई कारबाहीको लागि कारागार पठाइएको हो । २०६१ जेष्ठ १८ गते अदालतले गुरुङलाई एक वर्षका लागि कैद सजाय सुनाएको थियो ।
पक्राउ परेका गुरुङ काठमाडौँ महानगरपालिका वडा नम्बर २६ नयाँ बसपार्कमा रहेको गोरखा लिगलिग होटल, पोखराको होटल गोवा र पालुङटारको लिगलिग रिसोर्टका सञ्चालकसमेत हुन् । नेपाली कांग्रेस गोरखाका सभापति नन्दप्रसाद न्यौपानेले गुरुङलाई पार्टीको सदस्यबाट हटाइएको बताए । ‘पार्टीको विधानमा भएको व्यवस्था अनुसार उहाँलाई पार्टीको सदस्य पदबाट निष्कासन गरिएको हो’ सभापति न्यौपानेले भने ।