काठमाडौं उपत्यकामा हल्का वर्षा , देशभरको मौसम बदली रहने

काठमाडौं । देशभरको मौसम आज विहानैबाट बदली रहने जल तथा मौसम पूर्वानुमान महाशाखाले जनाएको छ । बिहानैदेखि काठमाडौंसहित देशका विभिन्न ठाउँमा पानी परेको र दिउँसो पनि हल्का पानी पर्ने सम्भावना रहेको मौसमविद सुवास रिमालले जानकारी दिनुभयो ।

बंगालको खाडी र अबर सागरबाट सतही रुपमा आएको जलवाष्पयुक्त हावाका कारण मौसम बदली भएकोले दिनभरको मौसम बदली भइरहने मौसमविद रिमालले बताउनुभयो ।

पश्चिमी न्यून चापिय प्रणाली र स्थानीय वायुको प्रभाव पनि केही रहेकाले देशभरकै मौसम बदली भइरहने मौसमविदले बताएका छन् ।