यु-१९ एसिया छनोट : नेपाल र यूएई भिड्दै

काठमाडौं, फागुन १८ ।  नेपालले आईसीसी यु–१९ विश्वकप एसिया छनोटअन्तर्गतको अन्तिम तथा निर्णायक खेलमा आज यूएईसँग प्रतिस्पर्धा गर्दैछ ।

सुरुवाती चार खेलमा अपराजित दुवै टोलीबीचको खेल नेपाली समय अनुसार बिहान पौने ११ बजे युएईको अजमानस्थित इर्डेन गार्डेन ओभलमा सुरु हुनेछ ।

नेपाल र युएईबीचको खेलको विजेता टोली प्रतियोगिताको च्याम्पियन बन्दै २०२४ मा श्रीलंकामा हुने यु–१९ विश्वकप खेल्न पाउनेछ ।

समान अंक रहे पनि यूएई नेटरनरेटको कारण शीर्ष र नेपाल दोस्रो स्थानमा छ । आजको खेलमा विजयी भए नेपालले सन् २०१६ पछि यु–१९ विश्वकप खेल्न पाउनेछ ।