सन्दीपको विषयमा आइसीसीको विशेष चासो !

काठमाडौं, भदौ २३ ।  नेपाली राष्ट्रिय टिमका कप्तान सन्दीप लामिछानेमाथि लागेको नाबालिगमाथिको बलात्कारको आरोपमाथि अन्तर्राष्ट्रिय क्रिकेट परिषद (आइसीसी) ले विशेष चासो राखेको छ ।

नेपाल क्रिकेट संघ (क्यान) का कार्यवाहक महासचिव प्रशान्तविक्रम मल्लले आइसीसीले सन्दीपको प्रकरणमा विशेष चासो राखेको जानकारी दिएका छन् ।

मल्लले सन्दीप प्रकरणमा आइसीसीले चासो राखेको बताउदै आफुले अहिलेसम्मको घटनाक्रम बारेमा अपडेट गराएको बताएका छन् ।

मल्लले भनेका छन्- ‘आइसीसीको टप अथोरिटीले बारम्बार के भएको हो भनेर चासो राख्नु भएको छ । मैले माइनरको केस भएकोले नेपालको कानुन अनुसार रेप केसमा कन्भिक्ट हुनसक्ने बताएको छु ।’

उनले प्रहरीको अनुसन्धान कसरी अगाडी बढ्छ सोहि अनुसार क्यानले निर्णय लिने बताएका छन् ।

यसैबीच सन्दीपलाई पक्राउ गर्न काठमाडौँ जिल्ला अदालतले प्रहरीलाई विहिबार अनुमति दिएको छ ।