सिरियामा आईएसको आक्रमण : ३६ सैनिक मारिए

काठमाडौं।  सिरियाको राजधानी दमाश्कसमा आतंकवादी संगठन आईएसको आक्रमणमा परि ३६ सैनिकको मृत्यु भएको छ । दमाश्कसको दक्षिणी क्षेत्र कब्जामा लिएर आईएसले सैनिकहरुको हत्या गरेको अन्तराष्ट्रिय सन्चारमाध्यमहरुले जनाएका छन् ।

हमलामा एक दर्जन भन्दा बढी सैनिक घाइते भएका छन्। यसैबीच इराकको मोसुलमा आइएसआइएस विद्रोहीले ३९ जना भारतीयको हत्या गरेको पुष्टि भएको छ । सन २०१४ मा अपहरणमा परेका ४० जना मध्ये ३९ जनाको आतंकवादी समूहले हत्या गरेको पुष्टि भएको हो । एक जनाले भने सोही समयमा भागेर ज्यान बचाएका थिए ।

भारतीय अधिकारीहरुले तिब्र खोजि गरेपछि हत्या गरेर सामूहीक रुपमा गाडेको अवस्थामा उनीहरुको शव बरामद भएको विदेश राज्यमन्त्री वीके सिंहले जानकारी दिए । भारतीयको अवस्था पत्ता लगाउन विदेशमन्त्री स्वयं इराक गएका थिए ।