ललितपुरमा फेरी ६ बर्षीया बालिका बलात्कृतः यस्तो छ बालिकाको बयान

काठमाडौँ ।  ललतिपुरको प्युटारमा ६ बर्षिया बालिका बलात्कृत भएकी छन् । बागमती गाउँपालिकाकी बालिका सोमबार बिहान बलात्कृत भएकी हुन् ।

बालिकाको योनीबाट रगत बगिरहेको र उनको अवस्था सामान्य रहेको परिवारका सदस्यले बताएका छन् ।उनलाई स्वास्थ्य परीक्षणका लागि प्रहरीको सहयोगमा थापाथली अस्पतालमा पुर्याइएको छ ।

बिहान वनमा घाँस काट्न गएकी एक महिलाले अस्वभाविक रुपमा बालिका चिच्याइरहेको आवाज सुनेपछि पछ्याउँदै जाँदा बालिका बलात्कृत भइरहेको अवस्थामा भेटेको बताइएको छ ।

ती महिलाले गाउँमा सबैलाई खबर गर्दा गाउँलेहरु भेला हुनु अघि नै अभियुक्त भागेका थिए ।  अभियुक्त फरार भएपछि प्रहरी चौकी आश्राङलाई खबर गर्दै गाउँलेहरुले खोजी कार्य तीव्र पारेका थिए ।

घटनालगत्तै फरार भएका सोही गाउँकै अन्दाजी २५ बर्षका कृष्णबहादुर बोम्जनलाई प्रहरी र गाउँलेले साँझ ५ बजे मकवानपुरको बक्कैया गाउँपालिका १० बाट पक्राउ समातेका छन् ।