नेपालमा कोरोनाबाट थप २ जनाको मृत्यु, ६८ जना संक्रमित थपिए

काठमाडौँ, फागुन २२ । नेपालमा थप ६८ जनामा कोरोना पुष्टि भएको छ ।

स्वास्थ्य मन्त्रालयले पछिल्लो २४ घण्टामा देशभर पिसिआरबाट कुल ५४ र एन्टीजेन परिक्षणबाट १४ गरि कुल ६८ जना संक्रमित थपिएको जानकारी दिएको हो ।

त्यस्तै पछिल्लो २४ घण्टामा ५३८ जना संक्रमण मुक्त भएका छन् । नेपालमा कोरोना निको हुने प्रतिशत ९८।१ रहेको मन्त्रालयले जनाएको छ ।

देशभर अहिले १०८ जना क्वारेन्टाइनमा छन् । त्यस्तै पछिल्लो २४ घण्टामा ३ हजार १३५ पिसिआर र १७९४ नमुना एन्टीजेन परिक्षण गरि कुल ४ हजार ९२९ जनाको परीक्षण भएको मन्त्रालयले जानकारी दिएको छ ।

नेपालमा हाल सक्रिय कोरोना संक्रमितको संख्या ६ हजार ४६१ पुगेका छन् ।

पछिल्लो कोरोनाबाट थप २ जनाको मृत्यु भएको छ । नेपालमा कोरोनाबाट अहिलेसम्म मृत्यु हुनेको संख्या ११ हजार ९४७ पुगेको छ ।