९१ जना कोरोना संक्रमित थपिए , मृत्यु शून्य

काठमाडौं , फागुन २१ । नेपालमा पछिल्लो २४ घण्टामा ९१ जना कोरोना संक्रमित थपिएका छन् ।

देशभर गरिएको २,६६२ पीसीआर र ३,५५८ जनाको एन्टीजेन परीक्षणका क्रममा ९१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

गत २४ घण्टामा ३६२ जना संक्रमित निको भएका छन् । योसँगै निको हुनेको कुल संख्या ९ लाख ५८ हजार ५५५ जना पुगेको छ । उक्त अवधिमा कसैको पनि मृत्यु भएको छैन ।

देशभर हाल ६ हजार ९४७ जना संक्रिय संक्रमित छन् ।