नेपालमा कोरोनाबाट थप एक जनाको मृत्यु, १८० संक्रमित थपिए

काठमाडौं, फागुन १६ । नेपालमा थप १८० जनामा कोरोना पुष्टि भएको छ ।

स्वास्थ्य मन्त्रालयले पछिल्लो २४ घण्टामा देशभर पिसिआरबाट कुल ११९ र एन्टीजेन परिक्षणबाट ६१ गरि कुल १८० जना संक्रमित थपिएको जानकारी दिएको हो ।

त्यस्तै पछिल्लो २४ घण्टामा ४०० जना संक्रमण मुक्त भएका छन् । नेपालमा कोरोना निको हुने प्रतिशत ९७.९ रहेको मन्त्रालयले जनाएको छ ।

देशभर अहिले १०६ जना क्वारेन्टाइनमा छन् । त्यस्तै पछिल्लो २४ घण्टामा ५ हजार २१८ पिसिआर र ३१२३ नमुना एन्टीजेन परिक्षण गरि कुल ८ हजार ३४१ जनाको परीक्षण भएको मन्त्रालयले जानकारी दिएको छ ।

नेपालमा हाल सक्रिय कोरोना संक्रमितको संख्या ८ हजार २३५ पुगेका छन् ।

पछिल्लो कोरोनाबाट थप १ जनाको मृत्यु भएको मन्त्रालयले जानकारी दिएको छ । नेपालमा कोरोनाबाट अहिलेसम्म मृत्यु हुनेको संख्या ११ हजार ९३६ पुगेको छ ।