नेपालमा कोरोनाबाट थप २ जनाको मृत्यु, १५५ संक्रमित

काठमाडौँ , फागुन १४ । नेपालमा थप १५५ जनामा कोरोना पुष्टि भएको छ ।

स्वास्थ्य मन्त्रालयले पछिल्लो २४ घण्टामा देशभर पिसिआरबाट कुल १०१ र एन्टीजेन परिक्षणबाट ५४ गरि कुल १५५ जना संक्रमित थपिएको जानकारी दिएको हो ।

त्यस्तै पछिल्लो २४ घण्टामा ५४० जना संक्रमण मुक्त भएका छन् । नेपालमा कोरोना निको हुने प्रतिशत ९७।९ रहेको मन्त्रालयले जनाएको छ ।

देशभर अहिले १०६ जना क्वारेन्टाइनमा छन् । त्यस्तै पछिल्लो २४ घण्टामा २ हजार २३९ पिसिआर र २९१३ नमुना एन्टीजेन परिक्षण गरि कुल ५ हजार १५२ जनाको परीक्षण भएको मन्त्रालयले जानकारी दिएको छ ।

नेपालमा हाल सक्रिय कोरोना संक्रमितको संख्या ८ हजार ८३९ पुगेका छन् ।

पछिल्लो कोरोनाबाट थप २ जनाको मृत्यु भएको मन्त्रालयले जानकारी दिएको छ । नेपालमा कोरोनाबाट अहिलेसम्म मृत्यु हुनेको संख्या ११ हजार ९३४ पुगेको छ ।