नेपालमा कोरोनाबाट थप एक जनाको मृत्यु, ३१८ संक्रमित थपिए

काठमाडौँ , फागुन १२ । नेपालमा थप ३१८ जनामा कोरोना पुष्टि भएको छ ।

स्वास्थ्य मन्त्रालयले पछिल्लो २४ घण्टामा देशभर पिसिआरबाट कुल १५१ र एन्टीजेन परिक्षणबाट १६७ गरि कुल ३१८ जना संक्रमित थपिएको जानकारी दिएको हो ।

त्यस्तै पछिल्लो २४ घण्टामा ५६२ जना संक्रमण मुक्त भएका छन् । नेपालमा कोरोना निको हुने प्रतिशत ९७।८ रहेको मन्त्रालयले जनाएको छ ।

देशभर अहिले १०७ जना क्वारेन्टाइनमा छन् । त्यस्तै पछिल्लो २४ घण्टामा ५ हजार ५०८ पिसिआर र २२३५ नमुना एन्टीजेन परिक्षण गरि कुल ७ हजार ७४३ जनाको परीक्षण भएको मन्त्रालयले जानकारी दिएको छ ।

नेपालमा हाल सक्रिय कोरोना संक्रमितको संख्या ९ हजार ६७८ पुगेका छन् ।

पछिल्लो कोरोनाबाट थप १ जनाको मृत्यु भएको मन्त्रालयले जानकारी दिएको छ । नेपालमा कोरोनाबाट अहिलेसम्म मृत्यु हुनेको संख्या ११ हजार ९३१ पुगेको छ ।