थप ४७६ जनामा कोरोना पुष्टि,  ३ जनाको मृत्यु

काठमाडौं, फागुन १० ।  नेपालमा थप ४७६ जनामा कोरोना पुष्टि भएको छ ।

स्वास्थ्य मन्त्रालयले पछिल्लो २४ घण्टामा देशभर पिसिआरबाट कुल २९९ र एन्टीजेन परिक्षणबाट १७७ गरि कुल ४७६ जना संक्रमित थपिएको जानकारी दिएको हो ।

त्यस्तै पछिल्लो २४ घण्टामा ८३१ जना संक्रमण मुक्त भएका छन् । नेपालमा कोरोना निको हुने प्रतिशत ९७.७ रहेको मन्त्रालयले जनाएको छ ।

देशभर अहिले १०७ जना क्वारेन्टाइनमा छन् । त्यस्तै पछिल्लो २४ घण्टामा ६ हजार ६०४ पिसिआर र २८२० नमुना एन्टीजेन परिक्षण गरि कुल ९ हजार ४२४ जनाको परीक्षण भएको मन्त्रालयले जानकारी दिएको छ ।

नेपालमा हाल सक्रिय कोरोना संक्रमितको संख्या १० हजार ७४७ पुगेका छन् ।

पछिल्लो कोरोनाबाट थप ३ जनाको मृत्यु भएको मन्त्रालयले जानकारी दिएको छ । नेपालमा कोरोनाबाट अहिलेसम्म मृत्यु हुनेको संख्या ११ हजार ९२८ पुगेको छ ।