कोरोनाबाट थप ६ जनाको मृत्यु, ५७० जनामा कोरोना पुष्टि

काठमाडौँ , फागुन ५ । नेपालमा थप ५७० जनामा कोरोना पुष्टि भएको छ ।

स्वास्थ्य मन्त्रालयले पछिल्लो २४ घण्टामा देशभर पिसिआरबाट कुल ३६४ र एन्टीजेन परिक्षणबाट २०६ गरि कुल ५७० जना संक्रमित थपिएको जानकारी दिएको हो ।

त्यस्तै पछिल्लो २४ घण्टामा १९९३ जना संक्रमण मुक्त भएका छन् । नेपालमा कोरोना निको हुने प्रतिशत ९६।९ रहेको मन्त्रालयले जनाएको छ ।

देशभर अहिले १०९ जना क्वारेन्टाइनमा छन् । त्यस्तै पछिल्लो २४ घण्टामा ७ हजार २८ पिसिआर र २७६१ नमुना एन्टीजेन परिक्षण गरि कुल ९ हजार ७८९ जनाको परीक्षण भएको मन्त्रालयले जानकारी दिएको छ ।

नेपालमा हाल सक्रिय कोरोना संक्रमितको संख्या १६ हजार ६१६ पुगेका छन् ।

पछिल्लो कोरोनाबाट थप ६ जनाको मृत्यु भएको मन्त्रालयले जानकारी दिएको छ । नेपालमा कोरोनाबाट अहिलेसम्म मृत्यु हुनेको संख्या ११ हजार ९११ पुगेको छ ।