कोरोनाबाट थप तीनको मृत्यु, ६३९ संक्रमित थपिए

काठमाडौं , फागुन ४ ।नेपालमा थप ६३९ जनामा कोरोना पुष्टि भएको छ ।

स्वास्थ्य मन्त्रालयले पछिल्लो २४ घण्टामा देशभर पिसिआरबाट कुल ४५४ र एन्टीजेन परिक्षणबाट १८५ गरि कुल ६३९ जना संक्रमित थपिएको जानकारी दिएको हो ।

त्यस्तै पछिल्लो २४ घण्टामा १६०० जना संक्रमण मुक्त भएका छन् । नेपालमा कोरोना निको हुने प्रतिशत ९६. ८ रहेको मन्त्रालयले जनाएको छ ।

देशभर अहिले ११२ जना क्वारेन्टाइनमा छन् । त्यस्तै पछिल्लो २४ घण्टामा ६ हजार ७८२ पिसिआर र २९७४ नमुना एन्टीजेन परिक्षण गरि कुल ९ हजार ७५६ जनाको परीक्षण भएको मन्त्रालयले जानकारी दिएको छ ।

नेपालमा हाल सक्रिय कोरोना संक्रमितको संख्या १८ हजार २५१ पुगेका छन् ।

पछिल्लो कोरोनाबाट थप ३ जनाको मृत्यु भएको मन्त्रालयले जानकारी दिएको छ । नेपालमा कोरोनाबाट अहिलेसम्म मृत्यु हुनेको संख्या ११ हजार ९०५ पुगेको छ ।