कोरोनाबाट थप १२ जनाको मुत्यु , १,३६९ संक्रमित थपिए
काठमाडौं , माघ २७ । पछिल्लो २४ घण्टामा देशभर १ हजार ३६९ जना कोभिड १९ संक्रमित थपिएका छन् । ११ हजार ८८० वटा नमुनामा परीक्षण गर्दा १,३६९ नमुनामा संक्रमण पुष्टि भएको हो । आज २ हजार २३८ जना संक्रमणमुक्त भएका छन् । योसँगै देशभर सक्रिय संक्रमितको संख्या २९ हजार ४ पुगेको छ ।
आज १२ जनाको संक्रमणका कारण मृत्यु भएको छ । योसँगै मृत्यु हुनेको संख्या ११ हजार ८६४ पुगेको स्वास्थ्य तथा जनसंख्या मन्त्रालयले जनाएको छ । यता पछिल्लो २४ घण्टामा काठमाडौं उपत्यकामा ३२९ जना कोभिड संक्रमित थपिएका छन् ।
काठमाडौंमा २३५, भक्तपुरमा ३० र ललितपुरमा ६४ जना संक्रमित थपिएका हुन् । योसँगै काठमाडौं उपत्यकामा सक्रिय संक्रमितको संख्या १२ हजार ६५ पुगेको छ ।
आज देशभर २७ हजार ९३० जना होम आइसोलेसनमा, १ हजार ७४ जना संस्थागत आइसोलेसनमा, २२५ जना आईसीयू तथा ३२ जना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ ।
प्रतिक्रिया दिनुहोस्