थप १९ सय ५७ जनामा कोरोना संक्रमण पुष्टि, ११ जना संक्रमितको मृत्यु

काठमाडौं , माघ २५ । नेपालमा थप १९ सय ५७ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयले मंगलबार पछिल्लो २४ घन्टाको कोभिड १९ विवरण सार्वजनिक गर्ने क्रममा यसको पुष्टि गरेको हो।

१२ हजार ६९२ नमूना परीक्षण गराउँदा १९ सय ५७ जनामा कोरोना संक्रमण देखिएको हो। सोमबार कोरोनाबाट १३ जनाको मृत्यु भएको थियो भने १५ सय ७० जनामा संक्रमण देखिएको थियो। त्यस्तै कोरोनाबाट आज थप ११ जनाले ज्यान गुमाएका छन्।

मन्त्रालयका अनुसार मंगलबार थप ५१०३ जना कोरोनामुक्त भएका छन्। योसहित नेपालमा कोरोनाबाट निको हुनेको संख्या ९ लाख २० हजार ५९२ पुगेको छ। पछिल्लो २४ घन्टामा २ लाख ७३ हजार ३४९ जनाले कोरोनाविरुद्धको खोप लगाएका छन्।

हाल कोरोना सक्रिय संक्रमितको संख्या ३६ हजार १८१ रहेको छ।