धनुषामा प्रहरी टोलीमाथि आक्रमण , लुटेरा समूहका पाँचजना समातिए

काठमाडौं , माघ ५ । धनुषामा प्रहरी टोलीमाथि आक्रमण गर्ने लुटेरा समूहका पाँचजना पक्राउ परेका छन् ।
पक्राउ पर्नेहरूमा बटेश्वर गाउँपालिका–४ बस्ने २७ वर्षीय जीवन ठाकुर, २३ वर्षीय चन्द्रदेव यादव, २६ वर्षीय कमलेश यादव, ३२ वर्षीय रामबाबु यादव र २६ वर्षीय नरेशरवि दास रहेका छन् ।

बटेश्वर गाउँपालिका–४, राम्रोचोकबाट महोत्तरीको भंगाहा नगरपालिका–७, गोराना बस्ने अमितकुमार पासवानको साथबाट ४५ हजार भारतीय रुपैयाँ र एकथान मोबाइल लुटपाट गरेको आरोपमा गए राति उनीहरूलाई पक्राउ गरिएको हो ।

जीवनलगायत चाररपाँचजना व्यक्तिहरूले भारतबाट काम गरी घरतर्फ जाँदै गरेका अमितकुमारको साथबाट उक्त धनमाल लुटेपछि प्रहरीचौकी बटेश्वरबाट खटिएको प्रहरी टोलीले उनीहरूलाई पक्राउ गरेको हो । साथै, उनीहरूलाई नियन्त्रणमा लिने क्रममा एक प्रहरी समेत घाइते भएका छन् ।