सूर्या लाइफ इन्स्योरेन्सद्वारा मृत्यु दावी भुक्तानी

काठमडौं, पुस १८ । सूर्या लाइफ इन्स्योरेन्स कम्पनीले मृत्यु दावीको २० लाख ४८ हजार रुपैयाँ भुक्तानी गरेको छ ।

कम्पनीको केन्द्रीय कार्यालयले एक कार्यक्रमको आयोजना गरी पाख्रीबास नगरपालिका वडा नं. ७ का मृतक बीमित कृष्ण बहादुर थापाको बहिनी गंगा थापालाई मृत्यु दावी रकम हस्तान्तरण गरेको हो ।
बीमित थापाले रु १० लाख बीमाङ्कको बीमा लिएको ६ मिहिना नबित्दै सडक दुर्घटनाको कारण मृत्यु भएको थियो ।

कम्पनीले बीमाङ्क बापतको रु. १० लाख, दुर्घटना सुविधा बापत रु. १० लाख र बोनस बापत रु. ४८,०००÷– थप गरी एकमुष्ठ रु. २० लाख ४८ हजार बीमितले इच्छाएको व्यक्ति गंगा थापालाई हस्तान्तरण गरेको हो ।

स्व. बीमितको परिवारलाई सूर्या लाइफइन्स्योरेन्स कम्पनीका बरिष्ठ सहायक महाप्रवन्धक नरोत्तम ढकाल मार्फत कम्पनी सचिव भरत के.सी., दावी बिभाग प्रमुख राजु राजचल र दावी बिभागका कर्मचारी तारणी कटुवालको उपस्थितिमा चेक हस्तान्तरण गरेको कप्पनीले जनाएको छ ।