तीन हप्ता बस्ने गरी पूर्वराजा शाह दम्पती आज झापा जाँदै, कार्यक्रम यस्तो छ

काठमाण्डौं । पूर्वराजा ज्ञानेन्द्र शाह आज दिउँसो झापा जाने भएका छन् ।

पूर्वराजा शाहसँगै पूर्वरानी कोमल पनि झापा जान लागेकी छिन् । उनीहरु आज दिउँसो साढे १ बजे श्री एयरलायन्सबाट झापा जान लागेकोे बताइएको छ ।

पूर्वराजा र रानीको स्वागतका लागि उनका शुभेच्छुक तथा सर्वसाधारणले भद्रपुरस्थित चन्द्रगढी विमानस्थलमा भव्य स्वागत गर्ने कार्यक्रम तय गरेका छन् ।

विमानस्थलमा स्वागतपछि पूर्वराजा र रानी दमकस्थित हिमालय टी गार्डेनमा रहेको मिनी दरबारमा बस्ने कार्यक्रम रहेको पूर्वराजाका संवाद सचिव डा. फणिन्द्र पाठकले जानकारी दिए । पूर्वराजा र रानी झण्डै तीन हप्तासम्म झापा बस्ने बताईएको छ । झापा किन जान लागेको भन्ने अहिलेसम्म केही खुल्न नसकेको जनाइएको छ।