तीन महिनामा फरार ४७ जना अभियुक्त पक्राउ

काठमाडौं, कातिक २० । तीन महिनाको अवधिमा जिल्ला अदालत पर्साबाट विभिन्न समयमा सजाय फैसला भई फरार ४७ अभियुक्तलाई पर्सा प्रहरीले पक्राउ गरेको छ।

उनीहरुलाई प्रहरीको छुट्टाछुट्टै टोलीले पक्राउ गरी ंअदालतलाई बुझाएको हो ।

प्रहरीले चालु आर्थिक वर्ष २०७८/७९ को साउनदेखि असोजसम्मको अवधिमा फरार अभियुक्तलाई पक्राउ गरेको जिल्ला प्रहरी कार्यालय पर्साका प्रहरी प्रवक्ता प्रहरी नायव उपरीक्षक ओमप्रकाश खनालले बताए।

सबैभन्दा बढी भदौमा २३ अभियुक्तलाई पक्राउ गरिएको छ। यस्तै असोजमा १९ तथा साउनमा पाँच अभियुक्तलाई पक्राउ गरिएको खनालले बताउनुभयो । उनीहरुबाट एक करोड ५२ लाख ४७ हजार जरिवाना असुल गरिएको छ।

अन्य फरार अभियुक्तलाई समेत पक्राउ गरिने प्रहरी उपरीक्षक बेलबहादुर पाण्डेले बताए। गत आवमा प्रहरीले ८० फरार अभियुक्तलाई पक्राउ गरेको थियो।
उनीहरूबाट रु ७१ लाख ८६ हजार जरिवाना असुल गरिएको प्रहरीले जनाएको छ।