एमालेको विरोधका बीच राष्ट्रिय सभामा विनियोजन विधेयक टेबुल
sf7df8f}F, @$ ;fpgM /fli6«o;efsf] a}7sdf dGqLx? /fli6«o;efsf] cfOtaf/ a;]sf] a}7sdf ;xefuL pmhf{, hn;|f]t tyf l;FrfOdGqL kDkmf e’;fn, sfg’gdGqL 1fg]Gaxfb’/ sfsL{nufot . tl:a/M /Tg >]i7÷/f;;
काठमाडौँ , असोज ५ । प्रमुख प्रतिपक्ष नेकपा ९एमाले०को विरोधका बीच विनियोजन विधेयक राष्ट्रिय सभामा टेबुल भएको छ ।
मंगलबार बसेको राष्ट्रिय सभाको बैठकमा सभाका सचिव राजेन्द्र फुयालले प्रतिनिधिसभाबाट पारित भएर सन्देशसहित आएको विनियोजन विधेयक सभामा टेबुल गरेका हुन् ।
प्रमुख प्रतिपक्ष एमालेले बैठकको सुरुमै विरोध जनाएको थियो । एमाले सांसदहरू सिटबाट उभिएर विरोध जनाइरहेको अवस्थामा नै राष्ट्रिय सभाका अध्यक्ष गणेशप्रसाद तिमिल्सिनाले विधेयक टेबुल गर्न सचिवलाई समय उपलब्ध गराएका थिए ।
एमाले सांसद देवेन्द्र दाहालले प्रतिनिधिसभाका एमालेबाट निर्वाचित १४ सांसदलाई सभामुखले पदमुक्त भएको सूचना नटाँसेसम्म विरोध जारी रहने बताएका थिए । जबसम्म सभामुखले आफ्नो गल्ती स्वीकार्नु भएको छैन, एमालेले कारबाही गरेका १४ जनाको नाम अहिले पनि टाँस गरिएको छैन, त्यो स्थिति रहुन्जेलसम्म विरोध जारी रहन्छ, दाहालले भनेका थिए ।
अध्यक्ष तिमिल्सिनले भने आफ्ना कुरा राखिसकेपछि बसेर सभाको कारबाही अगाडि बढाउन सहयोग गर्न आग्रह गरेका थिए । राष्ट्रिय सभाको बैठक १५ मिनेटका लागि स्थगित गरिएको छ ।
प्रतिक्रिया दिनुहोस्