थप २, ४३३ जनामा कोरोना संक्रमण पुष्टि, २६ जनाको मृत्यु, निको कति भए ?

काठमाडौं, भदौ १० । पछिल्लो २४ घण्टामा देशभर २ हजार ४३३ जनामा कोरोनाभाइरस संक्रमण पुष्टि भएको छ । १४ हजार ३७४ जनामा गरिएको परीक्षणमा सो संख्यामा संक्रमण पुष्टि भएको हो ।

यस्तै सोही अवधिमा १ हजार ९२९ जना कोरोना संक्रमणमुक्त भएका छन् । यस्तै कोरोनाबाट आज २६ जनाको मृत्यु भएको छ ।

यससँगै देशभर कोरोना संक्रमितको कुल संख्या पीसीआर विधिबाट ७ लाख ५४ हजार ९१५ र एन्टिजेन विधिबाट ८१ हजार ९६८ जना पुगेको छ । यस्तै संक्रमितमध्ये ७ लाख ५ हजार ८९३ जना निको भएका छन् ।

यससँगै देशभर कोरोना संक्रमणबाट १० हजार ६३८ जनाको मृत्यु भएको छ । हाल देशभर ३८ हजार ३८४ जना सक्रिय संक्रमित रहेका छन् । पछिल्लो सयम नेपालमा कोरोना संक्रमण र मुत्युदर बढ्दै जान थालेको छ । आज पनि ठुलो संख्यामा संक्रमित फेला परेका छन् ।