कोरोनाबाट आज एकैदिन ४२ जनाको मृत्यु, थप ३ हजार ४०३ जनामा संक्रमण पुष्टि
काठमाडौं, भदौ २ । पछिल्लो २४ घण्टामा नेपालमा कोरोनाबाट एकैदिन ४२ जनाको मृत्यु भएको छ । सोहि अवधिमा थप ३ हजार ४०३ जनामा कोरोना पुष्टि भएको छ ।
स्वास्थ्य तथा जनसंख्या मन्त्रालयका अनुसार १६ हजार ८ सय ३८ परीक्षण गर्दा ३ हजार ४०३ जनामा संक्रमण पुष्टि भएको हो ।
११ हजार ८ सय ३९ जनाको पीसीआर परीक्षण गर्दा २६१३ जनामा संक्रमण पोजेटिभ पुष्टि भएको छ भने ४ हजार ९ सय ९९ जनामा गरिएको एन्टिजेन परीक्षणमा ७९० जनामा संक्रमण पुष्टि भएको छ ।
मन्त्रालयका अनुसार पछिल्लो २४ घण्टामा २१ सय ४ जना निको भएर फर्किएका छन् । पछिलो समय कोरोना संक्रमण एकाएक बढ्दै जान थालेको छ ।
यसैबीच पछिल्लो २४ घण्टामा काठमाडौं उपत्यकामा ९९३ जना संक्रमित भेटिएका छन् । जसमध्ये काठमाडौंमा ७११, ललितपुरमा १६० र भक्तपुरमा १२२ जना संक्रमित भेटिएका छन् । हाल देशभर कोरोना भाइरसका सक्रिय संक्रमितको संख्या ४० हजार ३३८ रहेको छ ।
प्रतिक्रिया दिनुहोस्