काठमाडौं उपत्यकामा थपिए ९५१ कोरोना संक्रमित

काठमाडौं , साउन २४ । पछिल्लो २४ घण्टामा काठमाडौं उपत्यकामा ९५१ जना कोभिड संक्रमित थपिएका छन् ।

आज काठमाडौंमा ७४०, भक्तपुरमा ५६ र ललितपुरमा १५५ जना संक्रमित थपिएका हुन् । योसँगै काठमाडौंमा सक्रिय संक्रमितको संख्या १० हजार ३८३ तथा देशभर ३५ हजार ४८५ पुगेको छ ।

आज देशभर ३१ हजार ९६३ जना होम आइसोलेसनमा, ३ हजार ५२२ जना संस्थागत आइसोलेसनमा, ८०२ जना आईसीयू तथा १८१ जना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ ।