गाडीले मोटरसाइकललाई ठक्कर दिदा एकजनाको मृत्यु, बर्दियामा मोटरसाइकल दुर्घटना हुदा एकजनाकोज्यान गायो
काठमाडौं । सिराहाको धनगढीमाई नगरपालिका–९ मा गएराति पिकअप गाडीको ठक्करबाट मोटरसाइकलमा सवार एकजनाको मृत्यु भएको छ ।
प्रहरीका अनुसार सो दुर्घटनामा अर्का एकजना गम्भीर घाइते भएका छन् ।
गएराति ९ बजे ना२च ६२२७ नम्बरको पिकअप गाडीले स७प ६४०९ नम्बरको मोटरसाईकललाई ठक्कर दिएको थियो । दुर्घटनामा घाइते भएका मोटरसाइकलमा सवार दुबै जनालाई राम प्रसाद उमा स्मारक अस्पताल लाहान लैजाने क्रममा एक जनाको मृत्यु भएको हो ।
घाइते अर्को व्यक्तिको सोही अस्पतालमा उपचार भइरहेको छ । मृतक र घाइते दुबै जनाको पहिचान नखुलेको प्रहरीले जनाएको छ ।
दुर्घटना पश्चात् फरार रहेका गाडी चालकको खोजी भईरहेको ईलाका प्रहरी कार्यालय धनगढीले जनाएको छ ।
बर्दियामा मोटरसाइकल दुर्घटना, एकजनाको मृत्यु
बर्दियाको राजापुर नगरपालिका–३ मा गएराति मोटरसाइकल दुर्घटना हुँदा एकजनाको मृत्यु भएको छ भने अर्का एकजना घाइते भएका छन् ।
राति सवा १० बजे से३प ६४८९ नम्बरको मोटरसाइकल नियन्त्रण गुमाएर पल्टिदा मोटरसाइकलमा पछाडि सवार कैलाली, टिकापुर नगरपालिका–४ का ३० वर्षीय बजारु चौधरीको मृत्यु भएको हो ।
दुर्घटनामा गम्भीर घाइते भएका चौधरीलाई अस्पताल पुर्याउनसाथ चिकित्सकले मृत घोषणा गरेका थिए ।
दुर्घटनामा घाइते भएका मोटरसाइकल चालक सोही ठाउँका २८ वर्षीय रामबहादुर चौधरीको भने नर्सिङ होम नेपालगञ्जमा उपचार भइरहेको छ ।
तीव्र गतिका कारण मोटरसाइकल अनियन्त्रित भई दुर्घटना भएको हुन सक्ने प्रहरीको प्रारम्भिक अनुमान छ ।
प्रतिक्रिया दिनुहोस्