थप २, ६३६ जनामा कोरोना पुष्टि, ४, ३४८ जना संक्रमणमुक्त , २० जनाको मृत्यु

काठमाडौं, असार १५ । नेपालमा पछिल्लो २४ घण्टामा थप २ हजार ६ सय ३६ जनामा कोरोनाभाइरस संक्रमण पुष्टि भएको छ । सो अवधिमा ११ हजार ७४८ जनाको परीक्षण भएकोमा पीसीआर विधिबाट ७ हजार २५९ र एन्टिजेन विधिबाट ४ हजार ४८९ जनाको परीक्षण भएको थियो ।

स्वास्थ्य तथा जनसंख्या मन्त्रालयका अनुसार आज पछिल्लो २४ घण्टामा थप ४ हजार ३४८ जना संक्रमणमुक्त भएका छन् । सोही अवधिमा कोरोनाबाट आज २० जनाको मृत्यु भएको छ । यस्तै मृतकको कुल संख्या ९ हजार ७१ पुगेको छ ।

योसँगै देशभर कोरोना संक्रमितको कुल संख्या ६ लाख ३६ हजार ९१६(पीसीआर) र ३३ हजार ९४१ ९एन्टिजेन० जना पुगेको छ भने निको हुनेको संख्या ५ लाख ९२ हजार ५३५ पुगेको छ ।

पछिल्लो समय नेपालमा कोरोना संक्रमण तथा मृत्युदर घट्दै जान थालेको छ । यस कारण पनि सरकारले लकडाउनलाई खुकुलो बनाउँदै लैजान थालेको छ ।