थप २ हजार ९१८ जनामा कोरोना संक्रमण पुष्टि , ५३ जनाको मृत्यु

काठमाडौं, जेठ ३१ । गत २४ घण्टामा नेपालमा २ हजार ९१८ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयले दिएको जानकारी अनुसार गत २४ घण्टामा ५ हजार १४७ जना निको भएर घर फर्केका छन्।

मन्त्रालयका अनुसार गत २४ घण्टामा ९ हजार ४३८ पीसीआर परीक्षण गर्दा २ हजार ४९ जनामा कोरोना संक्रमण पुष्टि भएको छ। यस्तै ५ हजार ३८१ परीक्षण गर्दा ८६९ जनामा एन्टिजेनमा पोजेटिभ देखिएको छ।

गएको २४ घण्टामा ५३ जनाको कोरोनाका कारण ज्यान गएको छ। नेपालमा हाल ६५ हजार ८०४ जना आइसोलेसनमा रहेका छन् ।