उपत्यकामा २४ घण्टामा थपिए ११४० संक्रमित, सक्रिय संक्रमित कति ?

काठमाडौँ, जेठ २८ । काठमाडौँ उपत्यकामा पछिल्लो २४ घण्टामा ११४० जनामा कोरोना संक्रमण पुष्टि भएको छ ।

स्वास्थ्य मन्त्रालयले दिएको पछिल्लो २४ घण्टाको अपडेट अनुसार काठमाडौँ जिल्लामा ९२१ जना, भक्तपुरमा ५६ र ललितपुरमा १६३ जनामा कोरोनामा कोरोना पुष्टि भएको छ ।

त्यस्तै काठमाडौँ उपत्यकामा अहिले १६ हजार ९९१ जना सक्रिय संक्रमित रहेको मन्त्रालयले जानकारी दिएको छ । जसमा काठमाडौँ जिल्लामा १० हजार ५१ सक्रिय संक्रमित रहेका छन् भने भक्तपुरमा २ हजार ९४६ र ललितपुर जिल्लामा ३ हजार ९९४ सक्रिय संक्रमित रहेका छन् ।

त्यस्तै देशभर आज पिसिआर र एन्टीजेन परिक्षणबाट ३७५० संक्रमित थपिएका छन् भने ६७ जनाको कोरोनाबाट मृत्यु भएको मन्त्रालयले जानकारी दिएको छ ।