काठमाडौं आइपुग्यो चीनले दिएको ८ लाख डोज खोप बोकेर निगमको जहाज

काठमाडौं, जेठ १८ । चीनबाट ८ लाख खोप लिएर नेपाल एयरलाइन्सको जहाज काठमाडौं आइपुगेको छ।

सोमबार राति चीनको बेइजिङ गएको जहाज ८ लाख खोप बोकेर काठमाडौं आइपुगेको त्रिभुवन विमानस्थलले जानकारी दिएको छ।

नेपाल र चिनियाँ राष्ट्रपतिबीच टेलिफोन कुराकानीपछि चीन सरकारले १० लाख खोप नेपाललाई उपलब्ध गराउने घोषणा गरेको थियो।

चीन सरकारले यसअघि पनि ८ लाख खोप अनुदानमा सहयोग गरिसकेको छ।