नेपालको राजनीतिक अवस्थाबारे बोल्यो भारत, दियो यस्तो प्रतिक्रिया

काठमाडौं, जेठ १२ । नेपालमा पछिल्लो समयमा भइरहेको राजनीतिक परिघटनाबारे दक्षिणी छिमेक भारतले आफ्नो प्रतिक्रिया दिएको छ ।

प्रतिनिधिसभा विघटन र नयाँ निर्वाचन घोषणा लगायतका विषयसँग जोडिएको बारेमा भारतले यो नेपालको आन्तरिक मामिला भएको प्रतिक्रिया दिएको हो ।

बुधवार नयाँदिल्लीमा भएको नियमित पत्रकार भेटघाटमा भारतीय विदेश मन्त्रालयका प्रवक्ता अरिन्दम बागचीले नेपालमा विकास भइरहेको घटनाक्रमलाई भारतले नजिकबाट नियाले पनि त्यो उसको आन्तरिक मामिला भएको टिप्पणी गरेका छन् ।

नेपाल आफ्नो समस्या समाधान गर्न सक्षम रहेको भन्दै बागचीले भने , ‘नेपाल आफ्नै लोकतान्त्रिक प्रक्रियाभित्रबाट समस्या समाधान गर्न सक्षम छ भन्ने भारतको विश्वास छ ।’

नेपालको शान्ति, समृद्धि र स्थायित्वका लागि साथ दिन छिमेकी मित्रराष्ट्रका रुपमा भारत तयार रहेको पनि उनको भनाइ थियो । केहि समय यता नेपालको राजनीतिमा उथलपुथल आएको छ ।