देशका ७४ वटा जिल्लामा निषेधाज्ञा, मृत्यु हुनेको संख्या उच्च

काठमाडौँ, जेठ २ । पछिल्लो समय नेपालमा कोरोना भाइरसको दोस्रो भेरियन्ट फैलिएसँगै संक्रमित र मृत्युदर ह्वात्तै बढेको छ । संक्रमण बढेसँगै कोरोना मुक्त हुनेको संख्या पनि बढ्दो क्रममा रहेको छ ।

पछिल्ला ४ दिनमा नेपालमा २० हजार ५ सय ६९ जना कोरोना मुक्त भएका छन् । शुक्रबार सबै भन्दा धेरै ६ हजार १ सय ३५ कोरोना मुक्त भएका छन् भने सनिवार ५ हजार ४ सय ५५ जना कोरोना मुक्त भएका छन् ।

यस्तै नेपालमा पछिल्लो ४ दिनमा कोरोना संक्रमणबाट मृत्यु हुनेको संख्या भने उच्च रहेको छ । पछिल्लो ४ दिनमा ७ सय ७१ जनाको मृत्यु भएको छ ।

तीन दिनमा सबैभन्दा धेरै बिहीबार २ सय १४ जनाको मृत्यु भएको छ । यसैबीच देशका ७४ वटा जिल्लामा निषेधाज्ञा भएको छ । अब तीन जिल्ला मात्रै बाँकी रहेका छन् । गृहमन्त्रालयलका अनुसार तेह्रथुम, खोटाङ र मनाङ बाहेक अन्य ७४ वटा जिल्लामा निषेधाज्ञा गरिएको हो ।

रुकुममा पनि एक साताको लागि निषेधाज्ञा गरिएको छ। कोरोना संक्रमित भेटिन थालेपछि रुकुम पूर्वमा पनि निषेधाज्ञा गरिएको हो।