ए डिभिजन फुटसल लिग अनिश्चितकालका लागि स्थगित

काठमाडौं , बैशाख २८ । ‘ए’ डिभिजन राष्ट्रिय फुटसल लिग प्रतियोगिता अनिश्चितकालका लागि स्थगित भएको छ । कोरोना महामारीका कारण ‘ए’ डिभिजन राष्ट्रिय फुटसल लिग स्थगित भएको हो ।

अखिल नेपाल फुटबल संघ (एन्फा)ले मंगलबार एक विज्ञप्ति निकाल्दै अर्को सूचना नआएसम्मको लागि प्रतियोगिता स्थगित गरिएको जनाएको छ ।

फुटसलको ‘ए’ डिभिजन लिग जेठ १ देखि २२ सम्म पोखराको बहुदेशीय कभर्डहलमा संचालन हुने तालिका रहेको थियो । फुटसल लिगका लागि एन्फाले यसअघि नै टिम छनोट गरि सकेको थियो ।