लाइसेन्सको नयाँ आवेदन अनिश्चितकालका लागि बन्द

काठमाडौं, बैशाख १४। लाइसेन्सको नयाँ आवेदन अनिश्चितकालाका लागि बन्द भएको छ ।

आगामी वैशाख १६ गतेदेखि अनिश्चितकालका लागि सवारी चालक अनुमतिपत्र (लाइसेन्स) को अनलाइन आवेदन बन्द हुने मंगलबार यातायात व्यवस्था विभागले एक सूचना जारी गर्दै यस बारे जानकारि दिएको छ ।

‘विश्वभरी फैलिँदै गइरहेको नयाँ भेरियन्टको कोभिड–१९ महामारीका कारण नयाँ आवेदन बन्द हुन पुगेको हो । वैशाख १६ गतेबाट अर्को सूचना प्रकाशन नभएसम्मका लागि सवारी चालक अनुमतिपत्रको अनलाइन आवेदन प्रणाली बन्द गरिने व्यहोरा जानकारीको लागि अनुरोध छ ।

यसबाट सेवाग्राहीलाई हुने असुविधाप्रति हामी क्षमाप्रार्थी छौं’ प्रवक्ता डा।लोकनाथ भुसालद्वारा जारी सूचनामा भनिएको छ ।

कोरोनाले अहिले सबै चिज ठप्प हुने भएका छन् । सरकारले १५ दिने लामो निषेधाज्ञा पनि जारी गरिसकेको छ ।