काठमाडौंमा पनि बढ्न थाल्यो कोरोना संक्रमण, आज मात्रै ९९ जनामा पुष्टि

काठमाडौं, चैत २२ ।केहि दिनयता काठमाडौं उपत्यकामा पनि कोरोना संक्रमण बढ्दै जान थालेको छ । उता भारतमा कोरोनाभाइरस (कोभिड—१९) संक्रमित बढेसँगै नेपालमा पनि संक्रमण बढ्दै गएको हो ।

यसैबीच पछिल्लो २४ घण्टामा काठमाडौं उपत्यकामा मात्रै ९९ जनामा कोरोना संक्रमण पुष्टि भएको स्वास्थ्य मन्त्रालयका प्रवक्ता प्रा.डा. जागेश्वर गौतमले बताएका छन् । उनका अनुसार काठमाडौं उपत्यकामा संक्रमितको दर पछिल्लो समय बढ्दै गएको देखिएको छ ।

यस्तै पछिल्लो २४ घण्टामा देशभर १ सय ७६ जनामा संक्रमण पुष्टि भएको मन्त्रालयले जनाएको छ । काठमाडौंमा ८७, भक्तपुरमा ४ र ललितपुरमा ८ जनालाई संक्रमण पुष्टि भएको छ ।

यसरी अब विस्तारै संक्रमित बढ्दै जाने भन्दै चिन्ता बढेको छ । संक्रमण फैलन नदिन सावधानि अपनाउन स्वास्थ्य तथा जनसंख्या मन्त्रालयले अनुरोध पनि गरेको छ ।