थप ७७ जनामा कोरोना पुष्टि, १०६ जना संक्रमण मुक्त, मृत्यु शुन्य
काठमाडौं , चैत ८ । नेपालमा थप ७७ जनामा कोरोना पुष्टि भएको छ । स्वास्थ्य मन्त्रालयले पछिल्लो २४ घण्टामा देशभर कुल ७७ जना संक्रमित थपिएको जानकारी दिएको छ ।
अहिलेसम्म कुल २ लाख ७५ हजार ९०६ संक्रमित पुगेका छन् । नेपालमा हाल सक्रिय कोरोना संक्रमितको संख्या ९६९ रहेको छ ।
त्यस्तै पछिल्लो २४ घण्टामा १०६ जना संक्रमण मुक्त भएका छन् भने अहिलेसम्म २ लाख ७१ हजार ९२१ जना संक्रमण मुक्त भएका छन् । नेपालमा कोरोना निको हुने प्रतिशत ९८. ६ रहेको मन्त्रालयले जनाएको छ ।
पछिल्लो २४ घण्टामा ३ हजार १८१ पिसिआर परिक्षण भएको छ भने नेपालमा अहिलेसम्म कुल पिसिआर २२ लाख ३६ हजार ५२६ पुगेको छ ।
त्यस्तै क्वारेन्टाइनमा ४८ जना रहेका छन् । त्यस्तै आइसोलेसनमा ९६९ जना रहेका छन् ।
पछिल्लो २४ घण्टामा कोरोनाबाट थप मृत्यु नभएको स्वास्थ्य मन्त्रालयले जानकारी दिएको छ । अहिलेसम्म कोरोनाबाट मृत्यु हुनेको संख्या ३०१६ पुगेको छ ।
यसरी नेपालमा अहिले कोरोना संक्रमणबाट मृत्यु हुनेको प्रतिशत १. ०९ रहेको मन्त्रालयले जानकारी दिएको छ ।
प्रतिक्रिया दिनुहोस्