सिमरा गोल्डकप फाइनल : आर्मी र थ्री स्टारबीच भिडन्त

काठमाडाैँ – सिमरा गोल्डकप फुटबल प्रतियोगिताको उपाधिका लागि आज ए डिभिजनका दुई क्लब त्रिभुवन आर्मी र थ्री स्टारबीच प्रतिपर्धा हुँदै छ ।

यस अघि एक पटकको उपाधि उचालिसकेको त्रिभुवन आर्मी र पहिलोपटक फाइनलमा पुगेको थ्री स्टारबीचको खेल निकै प्रतिष्पर्धात्मक हुने अपेक्षा गरिएको छ ।

वीरगंज युनाइटेडलाई पराजित गर्दै फाइनल पुगेको आर्मीसंग मोरङ फुटबल क्लबलाई पराजित गर्दै थ्री स्टारले उपाधिका लागि भेट पक्का गरेको हो ।

आजको खेलमा थ्री स्टारलाई पराजित गर्दै आर्मी पुनः दोश्रो पटक उपाधि उचाल्ने दाउमा छ भने उपाधि विजेताको सूचीमा सामेल हुन थ्री स्टारले आर्मीलाई हराउने रणनीतिका साथ मैदान उत्रने छ । खेल सिमरा रंगशालामा दिउँसो हुनेछ ।