सेनाको हेलिकप्टर दुर्घटना, ९ जनाको मृत्यु

काठमाडौं, चैत ५ । सेनाको हेलिकप्टर दुर्घटना हुँदा ९ जनाको मृत्यु भएको छ । अफगानिस्तानको वार्दाक प्रान्तमा अफगान वायु सेनाको एक हेलिकप्टर दुर्घटना हुँदा नौ जनाको मृत्यु भएको हो ।

बुधवार राति वार्दाक प्रान्तको बिहसुद जिल्लामा दुर्घटना भएको अफगान रक्षा मन्त्रालयले जनाएको छ ।

यस दुर्घटनामा ४ जना चालक दलका सदस्य र ५ जना अफगान राष्ट्रिय सेना मारिएका मन्त्रालयद्वारा प्रकाशित एक विज्ञप्तिमा जनाइएको छ ।

सेनाले दुर्घटनाको विषयमा अनुसन्धान गरिरहेको र सत्यतथ्य विवरणहरू बाहिर आएपछि जारी गर्ने पनि विज्ञप्तिमा जनाइएको छ ।