आज थप ९४ जनामा कोरोना संक्रमण पुष्टि, ५५ जना निको भए , मृत्यु शुन्य

काठमाडौं , चैत ४ । बुधबार नेपालमा थप ९४ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या २ लाख ७५ हजार ५१८ पुगेको छ ।

स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या ९ सय ५४ रहेको छ । पछिल्लो २४ घण्टामा ५५ जना निको भएका छन् ।

हालसम्म संक्रमणमुक्त हुनेको संख्या २ लाख ७१ हजार ५५० पुगेको छ । हालसम्म कोरोनाको कारण ३ हजार १४ जनाको मृत्यु भएको छ । पछिल्लो २४ घण्टामा कोरोनाबाट शुन्य मृत्यु भएको मन्त्रालयले जनाएको छ ।

यस्तै, हालसम्म ४९ जना क्वारेन्टीनमा रहेका छन् । हालसम्म २२ लाख २४ हजार २९३ जनाको पीसीआर परीक्षण गरिएको छ ।

प्रतिक्रिया दिनुहोस्