लैनचौरमा एक्कासि लाग्यो टेम्पोमा आगो, यसकारण लाग्यो

काठमाडौं, फागुन १२। लैनचौरमा एउटा टेम्पोमा एक्कासि आगलागी भएको छ। बुधबार दिउँसो टेम्पोमा लागलागी भएको हो ।

काठमाडौंको रत्नपार्कबाट हात्तीगौडा जाँदै गरेको टेम्पोमा आगलागी भएको दरबारमार्गका ट्राफिक प्रहरी प्रहरी नायब निरीक्षक (सई) जागेश्वर शर्माले बताए। करिब साढे १ बजे बा १ ह ४७९८ नम्बरको टेम्पो लैनचौरमा रोकिएको थियो। सोहीक्रममा एक्कासि आगलागी भएको शर्माले बताए।

टेम्पोका चालक कञ्चनपुर घर भई हात्तीगौडा बस्ने २६ वर्षीय प्रनान्द बोहरा रहेको पनि प्रहरीले बताएको छ । आगलागी केहिबेरमै नियन्त्रणमा आएको थियो । ट्यांकरको सहयोगमा आगलागी नियन्त्रणमा आएको हो । टेम्पोमा केहि यात्रु रहेका थिए तर उनीहरु भाग्न सफल भएका छन् ।

मानविय क्षति भने हुन पाएन् । आगलागी भएको ग्यास टेम्पो हो । यसमा कसरी आगलागी भएको भन्ने अनुसन्धान भइरहेको ट्राफिक  प्रहरी नायब निरीक्षक (सई)  शर्माले बताएका छन् ।