गोरखाको बारपाकमा एकै परिवारका ३ जना मृत फेला

काठमाडौं, फागुन १० । गोरखाको बारपाकमा एकै परिवारका ३ जना मृत फेला परेका छन् । गोरखाको बारपाक सुलिकोट गाउँपालिका–१ मा एकै परिवारका तीन जना सुतेकै ठाउँमा मृत भेटिएका हुन् ।

अबेर भइसक्दा पनि उनीहरु नउठेपछि स्थानीयले हेर्दा उनीहरुमो सुतिरहकै ठाउँमा मृत भेटिएका हुन् ।
जिल्ला प्रहरी कार्यालय गोरखाका प्रहरी प्रमुख एसपी सुरेन्द्र गुरुङका अनुसार स्थानीय ८४ वर्षीय टिलबहादुर गुरुङ, उनकी बुहारी २१ वर्षीया आइतीमाया गुरुङ र १३ वर्षीया नातिनी उषा गुरुङ मृत अवस्थामा भेटिएका हुन् ।

घटनाको अनुसन्धान भइरहेको एसपी गुरुङले बताए । मृत भेटिएकाहरुको मुखमा सेतो फिज पनि देखिएको एसपी गुरुङले बताए । यस विषयमा थप अनुसन्धानमा रहेको पनि उनले जानकारी गाए ।