घाँस काट्न गएका ३ किशोरी खेतमै बेहोस अवस्थामा भेटिए, घटना रहस्यमय

काठमाडौं, फागुन ६ । भारतमा एउटा रहस्यमय घटना घटेको छ । भारतको उन्नाव जिल्लामा ३ किशोरी खेतमा बेहोस अवस्थामा फेला परेका छन् । यो घटनाले त्यहाँ हंगामा नै मच्चियो । बेहोस भएकी किशोरी मध्य २ जनाको मृत्यु भइसकेको थियो एक जना जिवितै रहेकी थिईन् । उनको अहिले उपचार भइरहेको छ।

यो भारतको असोहा थाना क्षेत्रको घटना हो। फेला परेका तीनै जनाको हात बाँधिएको थियो ।
प्रहरीको प्रारम्भिक अनुसन्धानमा ती तीन किशोरी खेतमा घाँस काट्न गएको पाइएको छ। उनीहरूलाई विष खुवाइएको पनि आशंका गरिएको छ ।

घटनास्थलमा फोम आदि पनि फेला परेका छन्। घटनाबारे विस्तृत अनुसन्धान भइरहेको त्यहाँका प्रहरीले जनाएको छ । ती तीन दिदीबहिनीमध्ये दुई एकै आमाका र अर्की काकाकी छोरी रहेको खुलेको छ ।