थप १५० जनामा कोरोना संक्रमण पुष्टि , २ जना संक्रमितको मृत्यु

काठमाडौं, माघ २३ । पछिल्लो २४ घण्टामा नेपालमा थय १५० जनामा कोरोना संक्रमण पुष्टि भएको छ ।

गएको चौबीस घण्टामा दुई हजार ७९९ जनाको पीसीआर परीक्षण गरिएकोमा १०५ जनामा संक्रमण पुष्टि भएको हो । योसँगै नेपालमा कोरोना संक्रमितको संख्या दुई लाख ७१ हजार ७०७ पुगेको छ ।

यस्तै कोरोना संक्रमणका कारण आज २ जना संक्रमितको मृत्यु भएको छ । योसँगै नेपालमा कोरोनाका कारण मृत्यु हुनेको संख्या दुई हजार ३५ पुगेको छ ।

त्यस्तै, गएको चौबीस घण्टामा २७२ जना संक्रमणमुक्त भएका छन् । योसँगै देशमा कोरोनामुक्त हुनेको संख्या दुई लाख ६७ हजार ५६४ पुगेको छ ।

हाल क्वारेन्टिनमा ९२ जना छन् भने आइसोलेसनमा दुई हजार १०८ जना रहेको स्वास्थ्य तथा जनसंख्या मन्त्रालयले जनाएको छ ।