भयानक बस दुर्घटना : ५३ यात्रीको मृत्यु, २९ जना घाइते

काठमाडौँ , माघ १५ । बस दुर्घटना हुँदा ५३ जनाको मृत्यु भएको छ । घटनामा अन्य २९ जना घाइते भएा छन् । यो खबर क्यामरुनको हो ।

बुधवार एक बस र ट्रक एकआपसमा ठोकीएका थिए । दुर्घटनाग्रस्त बस, क्यामरुनको पश्चिमी क्षेत्रमा रहेको एक गाउँमा ठोक्किएको बताएको छ ।

तिब्र गतिको ट्रक बससंग ठोक्किएर आगो लागेको थियो । यसरी बसमै आगलो लाग्दा बसमा यात्रा गरिरहेका मानिसहरुलाई ठुलो क्षति हुन पुगेको अधिकारीहरुले जनाएका छन् ।

उक्त क्षेत्रका वरिष्ठ सरकारी अधिकारी अबसलाम मोनोनोको अनुसार, बस पश्चिमी शहर फोउम्बानबाट राजधानी याउंदे जाँदै थियो र राति ३ बजे मानिसहरुको भिडबाट बच्ने चक्करमा ट्रकसँग ठोक्किन पुगेको हो ।