घर फर्कने क्रममा खुँडा प्रहार गरेर युवकको हत्या, १ जना पक्राउ

काठमाडौं, माघ १४ । बझाङमा खुँडा प्रहार गरी एक युवकको हत्या गरिएको छ। जिल्लाको छविसपाथिभेरा गाउँपालिका–३ का २७ वर्षीय अमृत सिंहको खुँडा प्रहार गरी हत्या गरिएको जिल्ला प्रहरी कार्यालय बझाङका प्रमुख तथा प्रहरी नायब उपरीक्षक रुपक खड्काले बताए।

घर फर्किरहेका उनको मङ्गलबार साँझ हत्या गरिएको हो । उनी छविसपाथिभेरा–३ मा रहेको बान्नीचौर माध्यमिक विद्यालयको व्यवस्थापन समितिको चुनाव सकेर घर फर्किरहेका थिए । फर्किने क्रममा भएको विवादपछि खुँडा प्रहार गर्दा सिंहको ज्यान गएको प्रहरीले बताएको छ ।

साथै खुँडा प्रहार गर्नेमध्येका १ जना पक्राउ समेत परेका छन् । पक्राउ पर्नेमा सोही गाउँपालिका–२ का ३२ वर्षीय ज्ञानबहादुर कडायत रहेका छन् । उनलाई घटनास्थलबाटै पक्राउ गरिएको हो । सोही ठाउँका प्रकाश ऐडी भने फरार रहेको जिल्ला प्रहरी कार्यालय बझाङले जानकारी दिएको छ। एनको खोजी भइरहेको पनि प्रहरीले बताएको छ ।