गुल्मीमा जन्ती बोकेको जिप दुर्घटना, १४ घाइते

काठमाडौं,माघ १ । गुल्मीमा जन्ती बोकेको जिप दुर्घटना भएको छ । दुर्घटनामा परि १४ जना घाइते भएका छन् भने एकजनाको अवस्था गम्भिर रहेको छ ।

गुल्मीको कालिगण्डकी गाउँपालिका वडा नम्बर २ अर्वेनीबाट स्याङ्जाको गल्याङ नगरपालिकामा जन्ती लिएर जादैँ गरेको ग १ झ ५०८६ नम्बरको मुस्ताङ जिप अर्वेनीको कोटमा दुर्घटनामा परेको थियो ।घाइते सबैको स्थानीय स्वास्थ्य संस्थामा उपचार भइरहेको छ ।

घुम्तीमा ब्रेक फेल भएका कारण दुर्घटना भएको प्रहरीले जनाएको छ । गाडी सडकभन्दा करिब २० मिटर तल खसेको छ ।