दरबारमार्गबाट ५ लाखसहित ८ जुवाडे पक्राउ

फाइल तस्बिर

काठमाडौं , पुस ३ । दरबारमार्गबाट ५ लाखसहित ८ जुवाडे पक्राउ परेका छन् । काठमाडौं महानगरपालिका १, दरबारमार्गस्थित वानओक रेस्टुरेन्ट एन्ड लन्चबारको तेस्रो तलामा तास खेलिरहेको अवस्थामा उनीहरुलाई गएराति पक्राउ गरिएको हो ।

पक्राउ पर्नेमा भक्तपुर चाँगुनारायण नगरपालिका ७, बस्ने २८ वर्षीय प्रकाश लामालगायत आठजना रहेका छन् ।महानगरीय प्रहरी वृत्त दरबारमार्गबाट खटिएको प्रहरीले उनीहरुलाई तास खेलिरहेको अवस्थामा नगद पाँच लाख १८ हजार रुपैयाँ र २७ बुक ताससहित फेला पारी पक्राउ गरेको हो ।

पछिल्लो समय विभिन्न ठाउँमा ठुलो रकमसहित जुवाडेहरु पक्राउ पर्ने क्रम बढेको छ ।